Rama Raksha Stotram | શ્રીરામરક્ષાસ્તોત્ર Gujarati PDF

Download Rama Raksha Stotram Gujarati PDF

You can download the Rama Raksha Stotram Gujarati PDF for free using the direct download link given at the bottom of this article.

File name	Rama Raksha Stotram Gujarati PDF
No. of Pages	6
File size	86 KB
Date Added	Apr 2, 2023
Category	Religion
Language	Gujarati
Source/Credits	Drive Files

Overview of Rama Raksha

Rama Raksha Stotram is a hymn dedicated to Lord Rama, one of the major deities in Hinduism. It is believed to provide protection to the reciter and is often chanted as a prayer for safety and well-being. The hymn consists of 38 verses in Sanskrit and is usually recited in the morning or evening. The Rama Raksha Stotram describes the qualities and virtues of Lord Rama, and his power to protect and bless his devotees. It is a popular and revered prayer in Hinduism, and is often recited during religious ceremonies and festivals.

શ્રીરામરક્ષાસ્તોત્ર

શ્રીરામરક્ષાસ્તોત્ર

.. ૐ શ્રીગણેશાય નમઃ ..

અસ્ય શ્રીરામરક્ષાસ્તોત્રમન્ત્રસ્ય . બુધકૌશિક ઋષિઃ .

શ્રીસીતારામચન્દ્રો દેવતા . અનુષ્ટુપ્ છન્દઃ .

સીતા શક્તિઃ . શ્રીમદ્ હનુમાન કીલકમ્ .

શ્રીરામચન્દ્રપ્રીત્યર્થે રામરક્ષાસ્તોત્રજપે વિનિયોગઃ ..

અથ ધ્યાનમ્ .

ધ્યાયેદાજાનુબાહું ધૃતશરધનુષં બદ્ધપદ્માસનસ્થં

પીતં વાસો વસાનં નવકમલદલસ્પર્ધિનેત્રં પ્રસન્નમ્ .

વામાઙ્કારૂઢ સીતામુખકમલમિલલ્લોચનં નીરદાભં

નાનાલઙ્કારદીપ્તં દધતમુરુજટામણ્ડનં રામચન્દ્રમ્ ..

ઇતિ ધ્યાનમ્ ..

ચરિતં રઘુનાથસ્ય શતકોટિ પ્રવિસ્તરમ્ .

એકૈકમક્ષરં પુંસાં મહાપાતકનાશનમ્ .. ૧..

ધ્યાત્વા નીલોત્પલશ્યામં રામં રાજીવલોચનમ્ .

જાનકીલક્ષ્મણોપેતં જટામુકુટમણ્ડિતમ્ .. ૨..

સાસિતૂણધનુર્બાણપાણિં નક્તઞ્ચરાન્તકમ્ .

સ્વલીલયા જગત્રાતું આવિર્ભૂતં અજં વિભુમ્ .. ૩..

રામરક્ષાં પઠેત્પ્રાજ્ઞઃ પાપઘ્નીં સર્વકામદામ્ .

શિરોમે રાઘવઃ પાતુ ભાલં દશરથાત્મજઃ .. ૪..

કૌસલ્યેયો દૃશૌ પાતુ વિશ્વામિત્રપ્રિયઃ શ્રુતી .

ઘ્રાણં પાતુ મખત્રાતા મુખં સૌમિત્રિવત્સલઃ .. ૫..

જિહ્વાં વિદ્યાનિધિઃ પાતુ કણ્ઠં ભરતવન્દિતઃ .

સ્કન્ધૌ દિવ્યાયુધઃ પાતુ ભુજૌ ભગ્નેશકાર્મુકઃ .. ૬..

કરૌ સીતાપતિઃ પાતુ હૃદયં જામદગ્ન્યજિત્ .

મધ્યં પાતુ ખરધ્વંસી નાભિં જામ્બવદાશ્રયઃ .. ૭..

સુગ્રીવેશઃ કટી પાતુ સક્થિની હનુમત્પ્રભુઃ .

ઊરૂ રઘૂત્તમઃ પાતુ રક્ષઃકુલવિનાશકૃત્ .. ૮..

જાનુની સેતુકૃત્પાતુ જઙ્ઘે દશમુખાન્તકઃ .

પાદૌ બિભીષણશ્રીદઃ પાતુ રામોઽખિલં વપુઃ .. ૯..

એતાં રામબલોપેતાં રક્ષાં યઃ સુકૃતી પઠેત્ .

સ ચિરાયુઃ સુખી પુત્રી વિજયી વિનયી ભવેત્ .. ૧૦..

પાતાલભૂતલવ્યોમચારિણશ્છદ્મચારિણઃ .

ન દ્રષ્ટુમપિ શક્તાસ્તે રક્ષિતં રામનામભિઃ .. ૧૧..

રામેતિ રામભદ્રેતિ રામચન્દ્રેતિ વા સ્મરન્ .

નરો ન લિપ્યતે પાપૈઃ ભુક્તિં મુક્તિં ચ વિન્દતિ .. ૧૨..

જગજૈત્રૈકમન્ત્રેણ રામનામ્નાભિરક્ષિતમ્ .

યઃ કણ્ઠે ધારયેત્તસ્ય કરસ્થાઃ સર્વસિદ્ધયઃ .. ૧૩..

વજ્રપઞ્જરનામેદં યો રામકવચં સ્મરેત્ .

અવ્યાહતાજ્ઞઃ સર્વત્ર લભતે જયમઙ્ગલમ્ .. ૧૪..

આદિષ્ટવાન્ યથા સ્વપ્ને રામરક્ષાંમિમાં હરઃ .

તથા લિખિતવાન્ પ્રાતઃ પ્રબુદ્ધો બુધકૌશિકઃ .. ૧૫..

આરામઃ કલ્પવૃક્ષાણાં વિરામઃ સકલાપદામ્ .

અભિરામસ્ત્રિલોકાનાં રામઃ શ્રીમાન્ સ નઃ પ્રભુઃ .. ૧૬..

તરુણૌ રૂપસમ્પન્નૌ સુકુમારૌ મહાબલૌ .

પુણ્ડરીકવિશાલાક્ષૌ ચીરકૃષ્ણાજિનામ્બરૌ .. ૧૭..

ફલમૂલાશિનૌ દાન્તૌ તાપસૌ બ્રહ્મચારિણૌ .

પુત્રૌ દશરથસ્યૈતૌ ભ્રાતરૌ રામલક્ષ્મણૌ .. ૧૮..

શરણ્યૌ સર્વસત્ત્વાનાં શ્રેષ્ઠૌ સર્વધનુષ્મતામ્ .

રક્ષઃ કુલનિહન્તારૌ ત્રાયેતાં નો રઘૂત્તમૌ .. ૧૯..

આત્તસજ્જધનુષાવિષુસ્પૃશાવક્ષયાશુગનિષઙ્ગસઙ્ગિનૌ .

રક્ષણાય મમ રામલક્ષ્મણાવગ્રતઃ પથિ સદૈવ ગચ્છતામ્ .. ૨૦..

સન્નદ્ધઃ કવચી ખડ્ગી ચાપબાણધરો યુવા .

ગચ્છન્મનોરથોઽસ્માકં રામઃ પાતુ સલક્ષ્મણઃ .. ૨૧..

રામો દાશરથિઃ શૂરો લક્ષ્મણાનુચરો બલી .

કાકુત્સ્થઃ પુરુષઃ પૂર્ણઃ કૌસલ્યેયો રઘુત્તમઃ .. ૨૨..

વેદાન્તવેદ્યો યજ્ઞેશઃ પુરાણપુરુષોત્તમઃ .

જાનકીવલ્લભઃ શ્રીમાન્ અપ્રમેય પરાક્રમઃ .. ૨૩..

ઇત્યેતાનિ જપન્નિત્યં મદ્ભક્તઃ શ્રદ્ધયાન્વિતઃ .

અશ્વમેધાધિકં પુણ્યં સમ્પ્રાપ્નોતિ ન સંશયઃ .. ૨૪..

રામં દુર્વાદલશ્યામં પદ્માક્ષં પીતવાસસમ્ .

સ્તુવન્તિ નામભિર્દિવ્યૈઃ ન તે સંસારિણો નરઃ .. ૨૫..

રામં લક્ષ્મણપૂર્વજં રઘુવરં સીતાપતિં સુન્દરમ્ .

કાકુત્સ્થં કરુણાર્ણવં ગુણનિધિં વિપ્રપ્રિયં ધાર્મિકમ્ .

રાજેન્દ્રં સત્યસન્ધં દશરથતનયં શ્યામલં શાન્તમૂર્તિમ્ .

વન્દે લોકાભિરામં રઘુકુલતિલકં રાઘવં રાવણારિમ્ .. ૨૬..

રામાય રામભદ્રાય રામચન્દ્રાય વેધસે .

રઘુનાથાય નાથાય સીતાયાઃ પતયે નમઃ .. ૨૭..

શ્રીરામ રામ રઘુનન્દન રામ રામ

શ્રીરામ રામ ભરતાગ્રજ રામ રામ .

શ્રીરામ રામ રણકર્કશ રામ રામ

શ્રીરામ રામ શરણં ભવ રામ રામ .. ૨૮..

શ્રીરામચન્દ્રચરણૌ મનસા સ્મરામિ

શ્રીરામચન્દ્રચરણૌ વચસા ગૃણામિ .

શ્રીરામચન્દ્રચરણૌ શિરસા નમામિ

શ્રીરામચન્દ્રચરણૌ શરણં પ્રપદ્યે .. ૨૯..

માતા રામો મત્પિતા રામચન્દ્રઃ

સ્વામી રામો મત્સખા રામચન્દ્રઃ .

સર્વસ્વં મે રામચન્દ્રો દયાલુ-

ર્નાન્યં જાને નૈવ જાને ન જાને .. ૩૦..

દક્ષિણે લક્ષ્મણો યસ્ય વામે તુ જનકાત્મજા .

પુરતો મારુતિર્યસ્ય તં વન્દે રઘુનન્દનમ્ .. ૩૧..

લોકાભિરામં રણરઙ્ગધીરં

રાજીવનેત્રં રઘુવંશનાથમ્ .

કારુણ્યરૂપં કરુણાકરં તં

શ્રીરામચન્દ્રમ્ શરણં પ્રપદ્યે .. ૩૨..

મનોજવં મારુતતુલ્યવેગં

જિતેન્દ્રિયં બુદ્ધિમતાં વરિષ્ઠમ્ .

વાતાત્મજં વાનરયૂથમુખ્યં

શ્રીરામદૂતં શરણં પ્રપદ્યે .. ૩૩..

કૂજન્તં રામ રામેતિ મધુરં મધુરાક્ષરમ્ .

આરુહ્ય કવિતાશાખાં વન્દે વાલ્મીકિકોકિલમ્ .. ૩૪..

આપદાં અપહર્તારં દાતારં સર્વસમ્પદામ્ .

લોકાભિરામં શ્રીરામં ભૂયો ભૂયો નમામ્યહમ્ .. ૩૫..

ભર્જનં ભવબીજાનાં અર્જનં સુખસમ્પદામ્ .

તર્જનં યમદૂતાનાં રામ રામેતિ ગર્જનમ્ .. ૩૬..

રામો રાજમણિઃ સદા વિજયતે રામં રમેશં ભજે

રામેણાભિહતા નિશાચરચમૂ રામાય તસ્મૈ નમઃ .

રામાન્નાસ્તિ પરાયણં પરતરં રામસ્ય દાસોસ્મ્યહં

રામે ચિત્તલયઃ સદા ભવતુ મે ભો રામ મામુદ્ધર .. ૩૭..

રામ રામેતિ રામેતિ રમે રામે મનોરમે .

સહસ્રનામ તત્તુલ્યં રામનામ વરાનને .. ૩૮..

ઇતિ શ્રીબુધકૌશિકવિરચિતં શ્રીરામરક્ષાસ્તોત્રં સમ્પૂર્ણમ્
..

.. શ્રીસીતારામચન્દ્રાર્પણમસ્તુ ..

Rama Raksha Stotram Gujarati PDF Download Link